මෑත කාලයේ ඇති වූ ඉන්දන අර්බුදය රට තුළ සාමාන්‍ය ජන ජීවිතයට ඇති කලේ මරු පහරකි. මෙයට හේතු භූත වූ කරුණු පිළිබඳව මා කතා නොකරන්නේ ඔබ මේ වන විටත් ඒ් කරුණු කාරණා පිළිබඳව දැණුමින් තෙම්පරාදු වී හමාර නිසාවෙනි මටත් ඒ් හොද්ද රස කරන්නට කිසිම අඩුමකුඩුමයක් නැත. සියල්ලම දමා පදමට ඒ හොද්ද සකස්වී හමාරය.
රට පුරා පිහිටි ඉන්දන පිරවුම්හල් අවට වූ අධික රථවාහන තදබදය, සමාජ විරෝධී ක්‍රියා පමණක් නොව දින ගණනින් අපතේ යන මිනිසුන්ගේ කාලය මේ සියල්ලම ගත් කළ රටකට මෙය ඉතාමත් බරපතල කාරනාවකි. අඩු පාඩු දකිනා විට කෑ ගසනවා වගේම හොඳක් දුටු විට එය අගය කිරීමද සිදුවිය යුතුය.
තොරතුරු තාක්ෂණය මැණවින් රාජ්‍්‍ පරිපාලනය සඳහා යොදාගත යුතු බව මට මතක ඇති කාලයක සිට කටමැද දොඩවන කාරණයක් වී තිබුණේ පටන්ගත් බහුතරයක් ව්‍යාපෘති බලාපොරොත්තු වූ තරම් ප්‍රථිපළයක් අත් නොවූ හෙයිනි.
වත්මන් බලශක්ති අමාත්‍ය කාංචන විජේසේකර තාක්ෂණය නියමාකාරයෙන් ප්‍රායෝගිකව භාවිතාකොට පෙන්වීමට සමත් වී යයි මම සිතමි. ඔහුගේ දේශපාලන හා අනෙකුත් අදහස් ගැන මාගේ කිසිඳු පැහැදීමක් නැත. නමුත් ඔහු ගත් උත්සාහය ප්‍රශන්සනීයයි.
ලැබෙන ඉන්දන ප්‍රමාණය හා ගතවන කාලය අතර යම් යම් ගැටලු ඒ් ඒ් ක්ෂේත්‍රය අනුව වෙනස් වේ, එය ද ඉදිරියේදී විසදෙනු ඇතැයි විශ්වාස තබාගෙන සිටින මා තවත් ශ්‍රී ලාංකික පුරවැසියෙකි.
ආර්ථික අර්බුධය නිර්මානය කිරීම සදහා කවරෙකු වැරදිකරුවෙකු වූවද අද අප අත්විඳින තත්වයට අප මුහුණ දීමට නම් රටේ මහජනතාවට පමණක් මේ ක්‍රමවේදය ක්‍රියාත්මක නොවී සැමට ක්‍රියාත්මක විය යතුයැයි මම දැඩිව අවධාරණය කරමි.
පෝලිම් වල නිකරුනේ වැය වුණු කාලය නැවැත්වීම පිළිබඳව පමණක් ප්‍රශංසා කරන අතර මණ්ඩලයේ අනෙකුත් ගසාකෑම් පිළිබඳව තවමත් ඇත්තේ පිළිකුළකි.
No comments:
Post a Comment