"මා මතක" මෙය ප්‍රලාපයක් නොවේ. චරිතාපදානයක් ද නොවේ. නවකතාවක් හෝ කෙටිකතාවක් ද නොවේ. සුන්දර වූත් අසුන්දර වූත් සිද්ධීන් සමුදායක පෙළගැස්මක් ලෙස කිවහැකි මෙය මා ඍජුහෝ වක්‍රාකාරව වශයෙන් ද ඇසූ කතන්දරද සිත්ගත් චරිත විවරණද ආදී වශයෙන් ඒකි මෙකී නොකී වශයෙන් විවිධ වූ සටහන් එකතුවකි.
මිරිඟුව පසුපස හබායන මුවකු සේ ජීවිතයේ ඇතැම් කරුණු කාරනා වෙනුවෙන් ඇවිදිමින්, දුවමින්, දණගාමින්, වෙහෙසට පත් ව විඩාබර වූ මනස සුවපත් කරන්නට සාහිත්‍ය රසවින්දනය ට හා සංගීතය ට මහත් වූ විශ්මිත හැකියාවක් ඇති බව මා වටහාගත් සත්‍යතාවකි. විඩාපත් මනසට සුවයක් ගෙන ඒ්මට එක් එක් පුද්ගලයාගෙන් පුද්ගලයාට අනන්‍යවූ විවිධ පුරුදු වලට හැඩගැසී ඇත. ඒය තමාට හා අන්‍යන්ට හිතකර හෝ අහිතකර ලෙස බලපෑමට ද පුළුවනි. අප සැම විටම අන්‍යන්ට මෙන්ම තමාට හිතකර පුරුදු පමණක් පුරුදු පුහුණු කිරීමට වගබලාගත යුතු යැයි මාගේ අදහසයි.
මේ වෑයම කිසිවෙකුටත් ජීවිතය කියා දීමටවත් යහමගකට ගැනීමකටත් හෝ සමාජ සත්කාරයක් ලෙස නොව මාගේ චිත්ත සංතානය තුළ ඇතිවන සිතුවිළි හා මතක ගබඩාකොට තැබීමක් පමණි. මෙය කියවා බලා යමෙකුට ප්‍රීතියක් හෝ සංතෝෂයක් ලැබිය හැකිනම් එයට කිසිවෙකුගෙන් බාදාවක් නොමැත. ඇතැමෙකුට මෙය බහුභූතයක් සේ සලකා නොසලකාහැරිය හැකි අතර, බැණිය යුතුනම් හෝ ප්‍රශංසා කළ යුතුනම් අදහස් තීරය විවෘතව ඇත.
සුපුන් රුවන් පතිරණ
2022-ජුනි මස 10 වැනි දින
